काठमाडौँ, १ असार । भारतीय आयल कर्पोरेसन (आइओसी)ले पेट्रोल र डिजेलको मूल्य बढाएर पठाएको छ ।
नेपाल आयल निगमका अनुसार पेट्रोलको मूल्य प्रतिलिटर ८६ पैसा र डिजेलको मूल्य प्रतिलिटर २६ पैसा बढाएर आइओसीले पठाएको हो ।
आज पठाएको मूल्य सूचीअनुसार मूल्य बढेर आएको आयल निगमका प्रवक्ता मनोजकुमार ठाकुरले जानकारी दिए ।
आइओसीले हरेक १५–१५ दिनमा मूल्य सूची पठाउने गरेको छ । सोही अनुसार आयल निगमले नेपालको मूल्य घटाउने वा बढाउने भन्ने निर्णय गर्दछ ।