सन् २०२२ मा एयरबस ४ अर्ब २० करोड युरो खुद नाफा कमाउन सफल

एजेन्सी, ४ फागुन । युरोपेली विमान निर्माता कम्पनी एयरबसले आपूर्ति श्रृंखलाको समस्याका कारण उत्पादन बढाउने क्षमताका कमी आए पनि सन् २०२२ को नाफा कीर्तिमानी स्तरमा पुगेको जनाएको छ ।

एयरबसले गत वर्ष ६६१ वटा विमान ग्राहकलाई हस्तान्तरण गर्ने योजना बनाए पनि खुद नाफा एक प्रतिशतले बढेर ४ अर्ब २० करोड युरो (४ अर्ब ५० करोड अमेरिकी डलर) पुगेको छ ।

महामारीको समस्या एयरलाइन्सहरू यात्रा प्रतिबन्धका कारण अधिकांश उडानहरू रोक्न बाध्य भएका समय एयरबसले उत्पादन कटौती गरेको थियो ।

कम्पनीले पाँचै महामारीका समय परेको आर्थिक बोझलाई सन्तुलित गर्ने विश्वास गरेको छ । विश्वभर यातायात सेवामा सुधार भइरहेको र एयरलाइन्सले उच्च इन्धनको मूल्यलाई ध्यानमा राख्दै इन्धन कुशल विमानको खरिद बढाउन खोजिरहेका छन् ।

एयरबसका प्रमुख कार्यकारी गुइलाउम फाउरीले भने,“प्रतिकूल सञ्चालन वातावरणका बावजुद हाम्रो आपूर्ति श्रृंखलालाई हामीले अपेक्षा गरेको गतिमा सुधार गर्नबाट रोकेको र ठोस वित्तीय विश्वास प्रदान गरेका छौँ ।”

एयरबससँग १० हजारभन्दा बढी आपूर्तिकर्ताहरू छन् । जसमध्ये केहीलाई महामारीको समयमा कर्मचारीहरू छोडेपछि उत्पादन बढाउन समस्या भएको थियो ।

एयरबसले सन् २०२३ मा ७२० वटा विमानलाई बजारमा ल्याउने लक्ष्य राखेको छ । विमान कम्पनीको बिक्री १३ प्रतिशत बढेर ५८.९ बिलियन युरो पुगेको छ ।