साफ यू–२० महिला च्याम्पियनसिप : उपाधिका लागि नेपाल र बंगलादेश भिड्दै
काठमाडौँ, २६ माघ । साफ यू–२० महिला फुटबल च्याम्पियनसिपको उपाधिका लागि नेपालले आज घरेलु टोली बंगलादेशसँग खेल्दै छ ।
बिहीबार ढाकास्थित वीर सहिद मुस्ताफा कमल स्टेडियममा नेपाली समयअनुसार साँझ पौने ६ बजे खेल हुने छ । सोमबार नेपालले भारतलाई हराएर फाइनल प्रवेशको ऐतिहासिक मौका पाएको थियो ।
फाइनलमा घरेलु टोलीविरूद्ध बदला लिँदै उपाधि जित्ने लक्ष्यमा नेपाल छ । पहिलो खेलमै नेपाल घरेलु टोली बंगलादेशसँग पराजित भएको थियो ।
पहिलो खेल हारे पनि त्यसपछि प्रदर्शनमा सुधार गर्दै नेपालले भुटान र भारतलाई हराएर फाइनलमा स्थान बनाएको हो ।
साविक विजेता तथा बलियो टोली भारतविरूघ एक गोलले पछि परे पनि ३–१ को शानदार पुनरागमन जित निकालेको नेपाली टोली अहिले लयमा छ ।