भूकम्पमा परी टर्कीका गोलरक्षकको मृत्यु
एजेन्सी, २५ माघ । टर्कीका गोलरक्षक अहमेट एयुप तुर्कासलानको भूकम्पमा परी मृत्यु भएको छ ।
सोमबार बिहान आएको शक्तिशाली भूकम्पमा परी तुर्कासलानको ज्यान गएको उनको क्लब येनी मालत्यास्पोरले पुष्टि गरेको छ ।
“हाम्रा गोलकिपर अहमेट एयुप तुर्कासलानले भूकम्पमा परी ज्यान गुमाएका छन् । उनको चिरशान्तिको कामन,” क्लबले भनेको छ,“हामी तपाईंलाई कहिल्यै बिर्सने छैनौँ ।”
२८ वर्षीय तुर्कासलान सन् २०२१ मा क्लबमा आबद्ध भएपछि टर्कीको दोस्रो डिभिजन क्लब येनी मालत्यास्पोरबाट ६ पटक खेलेका थिए । भग्नावशेषबाट जोगिएकी उनकी श्रीमती कुब्रा तुर्कासलान बाँचेकी छन् ।
भूकम्पमा परी हालसम्म सिरिया र टर्कीमा गरेर करिब ८ हजार व्यक्तिले ज्यान गुमाइसकेका छन् ।