प्रचण्डको निर्वाचन क्षेत्रमा मतगणना सुरू
गोरखा, ५ मंसिर । गोरखा निर्वाचन क्षेत्र नम्बर २ को मतगणना सुरू भएको छ । सोमबार साँझ मात्र सर्वदलीय बैठक बसेर मतगणना सुरू गरिएको निर्वाचन अधिकृत नारदप्रसाद भट्टराईले बताए ।
गोरखा नगरपालिकाका वडा नम्बर ९ दलभञ्ज्याङस्थित भू तथा जलाधार व्यवस्थापन कार्यालयमा रहेको निर्वाचन अधिकृतको कार्यालयमा मतगणना थालिएको हो ।
गोरखा–२ मा वाम–लोकतान्त्रिक गठबन्धनको तर्फबाट नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, नेकपा (एमाले)को तर्फबाट अब्दुस सलाम मिया, राष्ट्रिय स्वतन्त्र पार्टीबाट कविन्द्र बुर्लाकोटी, राप्रपा नेपालबाट कुलबहादुर बस्नेत, नेपाली कांग्रेस बिपीबाट टीकादत्त पोखरेललगायत १३ जना उम्मेवार छन् ।
गोरखा क्षेत्र नम्बर २ मा ५३ हजार ९७८ मत खसेको छ ।