रूसी आक्रमणले युक्रेनीहरूलाई तोड्न सक्दैन : जेलेन्स्की
एजेन्सी, १ कात्तिक । रूसले आफ्नो देशमा ड्रोन र क्षेप्यास्त्र आक्रमण सुरू गरेर युक्रेनीहरूलाई तोड्न नसक्ने युक्रेनका राष्ट्रपति भोलोदिमिर जेलेन्स्कीले बताएका छन् । रातभरि र बिहानै शत्रुले गरेको आक्रमणले युक्रेनी नागरिकलाई आतंकित गरेको छ ।
‘रूसले कामिजाको ड्रोन र क्षेप्यास्त्रहरूले युक्रेनमा आक्रमण गरिरहेका छन् । दुश्मनले हाम्रा सहरहरूमा आक्रमण गर्न सक्छ तर हामीलाई तोड्न सक्नेछैन,’ उनले बताएका छन् ।
राजधानीका मेयरले दुई जना भग्नावशेषमुनि फसेका र किभको एउटा आवासीय भवनमा क्षति पुगेको पुष्टि गरेका छन् ।