सर्वसाधारणमा कोरोनाविरुद्धको खोपको पहुँच बढाउनुपर्छ : अध्यक्ष तिमिल्सिना

116

काठमाडौँ । राष्ट्रियसभाका अध्यक्ष गणेशप्रसाद तिमिल्सिनाले अहिलको अवस्थामा कोरोनाविरुद्धको खोपको पहुँच बढाउनुपर्नेमा जोड दिएका छन् ।

स्वास्थ्य मन्त्रालयले आयोजना गरेको ‘कोभिड–१९ विरुद्धको खोपसम्बन्धी जोखिम सञ्चार तथा सामुदायिक सहभागिता’ विषयक अन्तरक्रियामा तिमिल्सिनाले सर्वसाधारणको पहुँच हुने गरी कोरोनाविरुद्धको खोपको पहुँच बढाउनुपर्नेमा जोड दिएका हुन् ।

उनले मान्छेको चहलपहल हुने स्थानमा खोपको उपलब्धता हुने गरि योजना बनाउनुपर्ने धारणा राखे । मधेस प्रदेश र कर्णालीमा खोप लगाउनेको संख्या न्यून देखिएकाले सो क्षेत्रमा विशेष खोप अभियान सञ्चालन गर्न उनले सुझाव दिए । उनले आफ्ना मतदातालाई स्वास्थ्य आचारसंहिता परिपालना र कोभिड विरुद्धको खोप लगाउन प्रेरित गर्न आग्रह गरे ।

कार्यक्रममा कोभिड–१९ रोकथाम र खोपसम्बन्धी जोखिम विभिन्न स्वास्थ्य विशेषज्ञहको कार्यपत्र प्रस्तुत गरेका थिए ।

Share This:
सम्बन्धित खबर
Loading...