कोरोना भएपछि पनि आइसोलेसनमा नबस्नु गैरजिम्मेवारीको पराकाष्ठा : विश्वप्रकाश शर्मा
काठमाडौँ । नेपाली कांग्रेसका महामन्त्री विश्वप्रकाश शर्माले कोरोना संक्रमण पुष्टि भएपछि पनि आइसोलेसनमा नबस्नु गैरजिम्मेवारीको पराकाष्ठा भएको टिप्पणी गरेका छन् ।
नेकपा (एमाले)का अध्यक्ष केपी शर्मा ओली कोरोना पुष्टि भए पनि सार्वजनिक कार्यक्रममा सहभागी भएको भन्दै आलोचना भइरहँदा कांग्रेस महामन्त्री शर्माले संक्रमण पुष्टिपछि ‘आइसोलेसन’मा बस्नु हरेकको जिम्मेवारी भएको बताएका छन् ।
उनले जिम्मेवारी पालना नगर्नु बहादुरी नभइ गैरजिम्मेवारीको पराकाष्ठा र अन्यको जीवनप्रति गम्भीर खेलबाड समेत भएको उनको भनाइ छ ।
“संक्रमण पुस्टिपछि ‘आइसोलेसन’मा बस्नु हामी हरेकको जिम्मेवारी हो । पालना नगर्नु बहादुरी होइन गैरजिम्मेवारीको पराकाष्ठा र अन्यको जीवनप्रति गम्भीर खेलबाड समेत हो,” उनले भनेका छन् ।
संक्रमण पुस्टिपछि `आइसोलेसन´मा बस्नु हामी हरेकको जिम्मेवारी हो l पालना नगर्नु बहादुरी होइन गैह्र जिम्मेवारीको पराकाष्ठा र अन्यको जीवनप्रति गम्भीर खेलबाड समेत हो !
यहि `ज्ञान´ र बिज्ञान आत्मसात गरेर, संक्रमणपछि पुर्ण आइसोलेसनमा बसेर, बल्ल सांगठनिक काममा फर्केको छु l जय नेपाल !
— Bishwa Prakash शर्मा (@bishwaprakash77) January 28, 2022