काठमाडौँको शंखरापुरमा एक दम्पती मृत फेला
काठमाडौँ । काठमाडौँको शंखरापुर नगरपालिकामा एक दम्पती मृत फेला परेका छन् ।
महानगरिय प्रहरी परिसर काठमाडौँका अनुसार शंखरापुर नगरपालिका–३ मा गएराति निसास्सिएर दम्पतीको मृत्यु भएको हो ।
५२ वर्षीय पदमबहादुर थिङ र ४५ वर्षीया फूलमाया थिङको मृत्यु भएको हो ।
उनीहरु आफू बसेको घरको कोठामा मृत अवस्थामा फेला परेको र निसास्सिएर मृत्यु भएको महानगरीय प्रहरी वृत्त बौद्धले जनाएको छ ।
घटनाबारे थप अनुसन्धान जारी रहेको प्रहरीले जनाएको छ ।