बिजुलीबजारमा गुडिरहेको भ्यानमा एक्कासी लाग्यो आगो

काठमाडौँ । काठमाडौँको बिजुलीबजारमा गुडिरहेको भ्यानमा सोमबार बिहान एक्कासी आगो लागेको छ । कालिमाटीमा तरकारी लिन हिँडेको बा१ज ९१९५ नम्बरको भ्यानमा एक्कासी आगो लागेको प्रहरीले बताएको छ ।

आगो स्थानीय र प्रहरीको सहयोगमा नियन्त्रणमा लिइएको छ । आगो चाँडै नियन्त्रणमा लिएकाले कम क्षति भएको प्रहरीको भनाइ छ ।

पेट्रोल लिक भएर वा तर सट भएर आगो लागेको हुनसक्ने प्रहरीको भनाइ छ । तर, यसबारे थप अनुसन्धान हुने बताइएको छ ।