माओवादी केन्द्रले बनायो १४९ सदस्यीय केन्द्रीय सल्लाहकार समिति
काठमाडौँ । नेकपा (माओवादी केन्द्र)ले १४९ जनाको केन्द्रीय सल्लाहकार समिति गठन गरेको छ ।
मंगलबार पेरिसडाँडामा बसेको स्थायी कमिटी बैठकले १४९ सदस्यीय केन्द्रीय समिति र ९९ सदस्यीय ज्येष्ठ कम्युनिस्ट मञ्च गठन गर्ने निर्णय गरेको हो ।
त्यस्तै, आज बसेको बैठकले २५–२५ सदस्यीय निर्वाचन आयोग, लेखा आयोग र अनुशासन आयोगसमेत गठन गरेको छ ।
विष्णुपुकार श्रेष्ठको अध्यक्षतामा निर्वाचन आयोग, पेशलकुमार पोखरेलको अध्यक्षतामा लेखा आयोग र टंक राईको अध्यक्षतामा अनुशासन आयोग बनाइएको छ ।
माओवादी केन्द्रको अर्को बैठक कात्तिक ४ गते बस्ने छ ।