श्री एयरलाइन्सको जहाज रनवेमा चिप्लियो
काठमाडौँ । त्रिभुवन अन्तर्राष्ट्रिय विमानस्थलमा श्री एयरलाइन्सको जहाज रनवेमा चिप्लिएको छ । काठमाडौँबाट नेपालगञ्ज उड्न लागेको श्री एयरलाइन्सको जहाजमा समस्या आएपछि यात्रुलाई सकुशल ओरालिएको छ ।
श्री एयरको ९ एन–एएनएफ जहाज स्टार्ट गरेर अघि बढाउने क्रममा ट्याक्सी वेबाट घास भएतिर गएको हो ।
करिब ८० जना यात्रु लिएर नेपालगञ्ज उड्न लागेको जहाज उड्नुअघि नै ट्याक्सी वे छाडेर बाहिर गएपछि सबैलाई निकालिएको छ ।
यात्रुलाई अर्को जहाजमा राखेर पठाउने तयारी भइरहेको स्रोतले जनाएको छ ।
।