निर्वाचन आयोगले तयार पार्यो मध्यावधि निर्वाचनको कार्यतालिका
काठमाडौं । निर्वाचन आयोगले आगामी मध्यावधि निर्वाचनको कार्यातालिका तयार पारेको जनाइएको छ ।
तालिका अनुसार पहिलो चरणको मतदानका लागि आउँदो असोज २० र २१ गते उम्मेदवारी मनोनयन, असोज २५ गते अन्तिम नामावली प्रकाशन गर्ने तयारी रहेको आयोग स्रोतले जनाएको छ ।
यसैगरी, दोस्रो चरणको मतदानका लागि असोज ३१ गते र कात्तिक उम्मेदवारी मनोनयन गर्ने, र कात्तिक ५ गते उम्मेदवार अन्तिम नामावली सार्वजनिक गर्ने कार्यतालिकामा उल्लेख रहेको बताइएको छ ।
मन्त्रिपरिषद्को सिफारिसमा गते जेठ ७ गते मध्यराति राष्ट्रपति विद्यादेवी भण्डारीले प्रतिनिधिसभा विघटन गरी निर्वाचनको मिति घोषणा गरेकी थिइन् ।
जसअनुसार आगामी कात्तिक २६ गते पहिलो चरण र मंसिर ३ गते दोस्रो चरणको मतदान हुने छ । सोही अनुसार निर्वाचन कार्यतालिका तयार भएको र चाँडै दल दर्ताका लागि समेत आह्वान गर्ने तयारी रहेको स्रोतको भनाइ छ ।