कांग्रेस पदाधिकारी बैठक बस्दै
काठमाडौं । नेपाली कांग्रेसको पदाधिकारी बैठक आज बस्दै छ । बिहीबार आवश्यक तयारी नपुगेको भन्दै स्थगित भएको बैठक आज बस्न लागेको हो ।
कांग्रेसका मुख्यसचिव कृष्णप्रसाद पौडेलका अनुसार बैठक अपरान्ह २ बजे बस्ने छ । बैठकले क्रियाशील सदस्यतासम्बन्धी विषयको टुंगो लगाउने मुख्यसचिव पौडेलले जानकारी दिए ।
बैठकमा कांग्रेसका पदाधिकारी, पूर्व पदाधिकारी र क्रियाशील सदस्यता छानबिन समितिका पदाधिकारीहरुलाई बोलाइएको छ ।
कांग्रेसको १४औँ महाधिवेशन नजिकिँदै जाँदा क्रियाशील सदस्यता विवाद बढेपछि शीर्ष तहबाट टुंगो लगाउनुपर्ने दवाव बढेको थियो ।