प्रधानमन्त्री ओलीले बोलाए मन्त्रिपरिषद् बैठक
काठमाडौं । प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन् । अपरान्ह ४ बजे नवनियुक्त मन्त्रीहरुको शपथग्रहणपछि प्रधानमन्त्री ओलीले मन्त्रिपरिषद्को बैठक बोलाएका हुन् ।
प्रधानमन्त्री ओलीले आजको बैठकमा नवनियुक्त मन्त्रीलाई बधाई तथा विभिन्न निर्देशन दिने कार्यक्रम रहेको स्रोतले जानकारी दियो ।
प्रधानमन्त्री ओलीले आजै मन्त्रिपरिषद् विस्तार गरेका छन् । उनले सातजना मन्त्री र एकजना राज्यमन्त्रीलाई नियुक्त गरेका हुन् ।
नयाँ मन्त्रीहरुमा खगराज अधिकारी गृह, राजकिशोर यादव उद्योग, नैनकला थापा सञ्चार, नारदमनि राना वन, ज्वाला कुमारी साह कृषि, गणेश पहाडी सामान्य प्रशासन, मोहन बाँनिया प्रधानमन्त्री कार्यालय र आशा बिक वन राज्यमन्त्री रहेका छन् ।