काठमाडौं । पछिल्लो २४ घन्टामा कोरोना संक्रमणबाट नेपालमा ५४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार २४ घन्टाकाे अवधिमा देशभरबाट ५४ जना संक्रमितको मृत्यु भएको हो । योसँगै हालसम्म काेराेनाबाट ज्यान गुमाउनेको संख्या ३ हजार ५ सय २९ पुगेको छ ।
मन्त्रालयका अनुसार देशभरबाट २० हजार ३ सय ६७ आरटी पिसिआर र ७ सय ७५ एन्टिजेन परीक्षण गरिएकोमा ९ हजार ७० जनामा कोरोना संक्रमण पुष्टि भएको छ ।
योसँगै हालसम्म कोरोना संक्रमितको संख्या ३ लाख ६८ हजार ५ सय ८० पुगेको छ । यीमध्ये ७२ हजार ७ सय ६१ जना सक्रिय संक्रमित अवस्थामा रहेका छन् ।
संक्रमितहरुमध्ये मुलुकभरका विभिन्न अस्पतलाको आइसियूमा ६ सय ५२ जना र भेन्टिलेटरमा २ सय १ जना उपचाररत छन् ।
बिहीबार देशभर २ हजार ७ सय ७ जनाले कोरोना संक्रमणमुक्त भएर फर्किएका छन् । २४ घन्टामा संक्रमणमुक्त भएका २ हजार ७ सय ७ जनासँगै देशभर कोरोना जित्नेको संख्या २ लाख ९२ हजार ४ सय ९० जना पुगेको छ । निको हुने दर ७९.४ प्रतिशत रहेको छ ।