संक्रमित पुरुषले अस्पतालमै गरे आत्महत्या
रुपन्देही । रुपन्देहीको सैनामैनास्थित रानीबगीयाका कोरोना संक्रमित एक पुरुषले आत्महत्या गरेका छन् ।
सैनामैना नगरपालिका–१ वनकट्टामा सञ्चालित कोरोना अस्थायी अस्पतालमा उपचाररत ४० वर्षीय पुरुषले शनिबार बिहान शौचालयमा आत्महत्या गरेका हुन् ।
अस्पतालका स्वास्थ्यकर्मीका अनुसार आज बिहान ४ बजे शौचालय जाने बहानामा उनले झुण्डिएर आत्महत्या गरेका हुन् । अस्पतालका अनुसार उनको स्वास्थ्य अवस्था सामान्य रहेको थियो ।
तीन दिनअघि मात्रै सञ्चालनमा आएको उक्त कोरोना विशेष अस्थायी अस्पतालमा हाल ९ जना संक्रमितहरु उपचाररत छन् ।