शपथ ग्रहणपछि खिमलाल देवकोटाले भने– प्रतिनिधिसभा पुनःस्थापना हुन्छ
काठमाडौं । उपनिर्वाचनबाट राष्ट्रियसभामा निर्वाचित डा. खिमलाल देवकोटाले पद तथा गोपनीयताको शपथ लिएका छन् ।
शुक्रबार संसद सचिवालयमा राष्ट्रियसभा अध्यक्ष गणेशप्रसाद तिमिल्सिनाले देवकोटालाई शपथ खुवाएका हुन् ।
यही जेठ ६ गते भएको उपनिर्वाचनमा एमालेका उम्मेदवार रामबहादुर थापालाई देवकोटाले पराजित गरेका थिए । शपथ ग्रहणपछि देवकोटाले अहिले संविधानलाई सही ट्रयाकमा ल्याउनुपर्ने बताए । उनले प्रतिनिधिसभा पुनःस्थापना हुने विश्वास व्यक्त गरे ।
माओवादी केन्द्रले एमालेमा लागेका थापालाई कारबाही गरेपछि रिक्त भएको सो स्थानका लागि उपनिर्वाचन गरिएको थियो ।