सुनको मूल्य आकासियाे : एकैदिन एक हजारले वृद्धि
काठमाडौं । नेपाली बजारमा पहेँलो धातु सुनको मूल्य उकालो लाग्ने क्रम जारी छ । बुधबार तोलामा ५ सयले बढेको मूल्य आज १ हजारले वृद्धि भएको छ ।
नेपाल सुनचाँदी व्यवसायी महासंघका अनुसार बिहीबार छापावाला सुन तोलामा १ हजारले बढेर ८९ हजार रुपैयाँ पुगेको हो । बुधबार छापावाला सुन तोलमा ८८ हजार रुपैयाँमा कारोबार भएको थियो ।
यस्तै, तेजाबी सुन तोलामा ८८ हजार ५ सय ५० रुपैयाँमा कारोबार भएको छ ।
बिहीबार चाँदीको मूल्यमा पनि वृद्धि भएको छ । बुधबार १ हजार २ सय ४५ रुपैयाँमा कारोबार भएको चाँदीमा १५ रुपैयाँले बढेर १ हजार २ सय ६० रुपैयाँमा कारोबार भएको महासंघले जनाएको छ ।