लागुऔषध ब्राउसुगरसहित ३ जना पक्राउ
झापा । झापाको दुई छुट्टाछुट्टै स्थानबाट लागुऔषध ब्राउसुगरसहित ३ जना पक्राउ परेका छन् ।
विशेष सूचनाको आधारमा इलाका प्रहरी कार्यालय दमक र इलाका प्रहरी कार्यालय कुमरखोदबाट खटिएको प्रहरी टोलीले उनीहरुलाई मंगलबार राति पक्राउ गरेको हो ।
पक्राउ पर्नेमा दमक नगरपालिका–९ का २० वर्षीय अजय राजवंशी, भारत किशनगंञ्जका ३० वर्षीय मोहम्मद आलम र २८ वर्षीय मदिउर रहमान रहेका छन् ।
पक्राउ परेका राजवंशीको साथबाट प्रहरीले २ ग्राम २ सय मिलिग्राम ब्राउनसुगर, डिजिटल तराजु १ थान, नगद रु ७ हजार र मोबाइल २ थान बरामद गरेको छ ।
यसैगरी, इलाका प्रहरी कार्यालय कुमरखोदबाट खटिएको प्रहरी टोलीले आलम र २ रहमानको साथबाट १० ग्राम ब्राउनसुगर, भारतीय रुपैयाँ ९ हजार १ सय ७०, ५० ग्राम गाँजा र १ थान मोबाइल फेला परेको छ ।
पक्राउ परेका उनीहरुको सम्बन्धमा प्रहरीले थप अनुसन्धान गरिरहेको जनाएको छ ।