कोरोना संक्रमणबाट बेलायतमा नेपाली युवतीको मृत्यु
लन्डन । कोरोना संक्रमणका कारण बेलायतमा एक नेपाली युवतीको मृत्यु भएको छ । लन्डनमा बस्दै आएकी ३२ वर्षीया युवतीको आइतबार निधन भएको हो ।
मृतकको परिवार निकट स्रोतकाअनुसार कोरोना संक्रमित ती युवतीको उपचारकै क्रममा निधन भएको हो ।
कोरोना संक्रमणपछि नेपाली युवतीको अल्पायुमै निधन भएकोमा बेलायतको नेपाली समुदाय शोकमग्न बनेको छ । उनको निधनमा शोक जनाउँदै सामाजिक सन्जालमा श्रद्धान्जली व्यक्त गरिएको छ ।
अहिलेसम्म सार्वजनिक भएअनुसार बेलायतमा कोरोनाका कारण ज्यान गुमाउने नेपालीको संख्या ७५ नाघेको छ । तर उनीहरुमध्ये ५० वर्षभन्दा कम उमेरमै मृत्यु हुनेहरु कम छन् । यसअघि ननिटन बस्दै आएकी अर्की युवतीको पनि ३२ वर्षकै उमेरमा निधन भएको थियो ।