भारतमा कोरोना संक्रमितको संख्या ९३ लाख ९२ हजार नाघ्यो

141

नयाँदिल्ली, एएनआई । भारतमा शुक्रबार थप ४१ हजार ८ सय १० जनामा कोभिड १९ संक्रमण भएपछि कूल संक्रमितको संख्या ९३ लाख ९२ हजार ९ सय २० नाघेको केन्दीय स्वास्थ्य तथा परिवार कल्याण मन्त्रालयले शनिबार जानकारी दिएको छ । भारत कोरोना भाइरसबाट अमेरिकापछि सबैभन्दा बढी प्रभावित भएको राष्ट्र हो ।

भारतमा पछिल्लो २४ घण्टामा थप ४ सय ९६ जना कोरोना संक्रमणको कारण मृत्यु भएपछि भारतभर कोरोनाका कारण मृत्यु हुनेको संख्या १ लाख ३६ हजार ६ सय ९६ पुगेको छ ।

यहाँ कोरोना भाइरस सुरु भएयता भएका सम्पूर्ण संक्रमितहरु मध्ये ८८ लाख २ हजार २ सय ६७ व्यक्ति कोरोना मुक्त भएका पनि मन्त्रालयले जानकारी दिएको छ । यस राष्ट्रमा महाराष्ट्र, दिल्ली र केरला क्रमशः कोरोना भाइरस बढी प्रभावित राज्यको रुपमा रहेको छ । भारतमा ५० हजारभन्दा कम व्यक्ति सक्रमित भएका आज २२औं दिन हो ।

भारतमा १३ करोड ९५ लाख ३ हजार ८ सय ३ जना व्यक्तिको कोरोना भाइरसको परिक्षण भएको इन्डियन काउन्सिल अफ मेडिकल रिसर्च (आइसिएमआर) ले आइतबार जानकारी दिएको छ । हिजो अर्थात नोभेम्बर २८ का दिनमा मात्र १२ लाख ८३ हजार ४ सय ४९ जनाको परिक्षण गरिएको पनि आइसिएमआरले जनाइएको छ ।

Share This:
सम्बन्धित खबर
Loading...