बाँके । कोरोना संक्रमणबाट बाँकेमा अहिलेसम्म १ सय ८० जनाको मृत्यु भएको छ ।
जिल्ला संकट व्यवस्थापन केन्द्र बाँकेका फोकल पर्सन तेज वलीका अनुसार पछिल्लो २४ घन्टामा ८ जनाको मृत्यु भएको छ । बाँके अस्पतालमा उपचाररत ५ महिला र ३ पुरुष गरी ८ जनाको मृत्यु भएको हो ।
बाँकेमा हालसम्म कोरोना भाइरसको संक्रमणबाट १ सय ८० जनाको मृत्यु भएको छ । जसमध्ये जिल्लाका ८० जना र जिल्ला बाहिरका १ सय जना छन् ।
अहिलेसम्म मृत्यु हुनेमा बाँकेका ३३ महिला र ४७ पुरुष रहेका छन् भने बाहिरी जिल्लाबाट उपचारका लागि यहाँ आएका २५ महिला र ७५ पुरुषको मृत्यु भएको जिल्ला कोभिड संकट व्यवस्थापन केन्द्र बाँकेको तथ्याङ्कले देखाएको छ ।
बाँकेमा हाल २ हजार १ सय २८ सक्रिय संक्रमित छन् । जसमध्ये ७ जनाको भेन्टिलेटरान उपचार भइरहेको छ ।