हाम्रो जीवनशैली : मिर्गौला स्वस्थ राख्न यसो गरौँ
काठमाडौं। शरीर स्वस्थ राख्नका लागि खानपान, सरसफाइदेखि शारीरिक व्यायमसम्म सबै महत्वपूर्ण हुन्छन् । यसक्रममा शरीरमा सबै अंगहरु स्वास्थ र सफा राख्नु अझ महत्वपूर्ण हुन्छ ।
व्यक्ति स्वस्थ रहनका लागि मृगौलाको स्वस्थता आवश्यक हुन्छ । मिर्गौलाले हाम्रो शरीरलाई डिटक्सिफाइ गर्ने काम गर्दछ । यसले फोहोर, विषाक्त र अतिरिक्त तरल पदार्थहरू शरीरबाट बाहिर पिसाबमार्फत फाल्ने गर्दछ ।
शरीरमा रगत शुद्ध पार्ने मिर्गौला सफा भएन भने, युरिनरी डिसअर्डरसहित पेट दुख्ने, ज्वरो र बान्ता हुने जस्ता गम्भीर समस्याहरू बढ्न सक्दछन् । यस्तै मिर्गौलामा भण्डारण भएका विषाक्त पदार्थहरूले रगत शुद्धिकरणमा बाधा पुर्याएर व्यक्तिको मृत्युसमेत हुन सक्दछ ।
मिर्गौलाको समस्याबाट मुक्ति पाउनका लागि हामी खानामा केही सामान्य ध्यान दिन सक्यौँ भने पुग्छ । जसका लागि हामीले दैनिक खाने खानामा केही चीजहरु समेट्न जरुरी छ ।
हाम्रो भान्छामा दाल आदिमा झान्नका लागि अथवा मसलाका रुपमा प्रयोग गरिने जीरा मिर्गौला सफा गर्न धेरै फाइदाजनक हुन्छ । जीरा र धनियाँ ४५ टुक्रा कागती मिलाएर एक डिटोक्सिफ ड्रिंक घरमा तयार गर्न सकिन्छ । मृगौला सफा गर्नका लागि यो पेय पदार्थ धेरै प्रभावकारी छ ।
भान्छामा खानाको स्वाद बढाउन धनियाँ प्रयोग गरिन्छ । धनियाँमा रहने डिटोक्सिफिकेसनका गुणहरूले शरीरबाट फोहोर र विषाक्त पदार्थ हटाउन मद्दत गर्दछ । धनियाँलाई खानामा अथवा रसमा प्रयोग गर्न सकिन्छ ।
हामीले मकैलाई मुख्य खाद्यान्नको रुपमा प्रयोग गर्दै आएका छौँ । तर, मकैको घोगामा देखिएको सुनौलो रेशाहरूले मिर्गौलालाई डिटोक्सिफाई गर्न सक्छ भन्ने कुरा धेरै कमलाई थाहा छ । मृगौला र मूत्रथैली डिटक्सिफाई गर्न तथा रगतमा चिनी नियन्त्रण गर्दै प्रतिरोधक क्षमता बढाउन पनि यो रेशाले प्रभावकारी काम गर्दछ ।