त्रिभुवन विमानस्थल बन्द, दर्जनौँ उडान अवतरण प्रभावित
काठमाडौँ, ९ साउन । सौर्य एयरलाइन्सको जहाज दुर्घटना भएपछि त्रिभुवन अन्तर्राष्ट्रिय विमानस्थल बन्द भएको छ । विमानस्थलबाट हुने उडान/अवतरण सबै बन्द भएको विमानस्थल स्रोतले जनायो ।
उद्धारको काम नसकिएसम्म विमानस्थल नखुल्ने भएका कारण दर्जनौँ उडान अवतरण प्रभावित भएका छन् । आन्तरिक जहाजहरुलाई सम्बन्धित विमानस्थलमै रोकिएको छ भने अन्तर्राष्ट्रिय उडानहरु डाइभर्ट गरिएको छ ।
दुर्घटनामा परेको सौर्य एयरलाइन्सको जहाजमा १९ जना यात्रु रहेको नेपाल उड्डयन प्राधिकरणले जनाएको छ । सौर्यको ९एन-एएमई कलसाइनको सिआरजे २०० जहाज बुधबार बिहान ११ः११ बजे दुर्घटनामा परेको थियो ।
जहाज रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको विमानस्थलले जनाएको छ ।