लमजुङमा एमालेका पृथ्वीसुब्बा गुरूङको अग्रता
लमजुङ, ५ मंसिर । लमजुङको प्रतिनिधिसभा सदस्य निर्वाचनमा नेकपा (एमाले)का उपमहासचिव पृथ्वीसुब्बा गुरूङले सुरूवाती अग्रता लिएका छन् ।
उनले २ हजार ५०८ मत पाउँदा उनका प्रतिस्पर्धी सत्ता गठबन्धनतर्फबाट नेकपा (माओवादी केन्द्र)का देवप्रसाद गुरुङले २ हजार ८७ मत पाएका छन् ।
लमजुङमा एमाले उपमहासचिव र माओवादी केन्द्रका महासचिवबीच ‘हेविवेट’ भिडन्त भएको थियो ।
लमजुङमा आइतबार भएको निर्वाचनमा कुल १ लाख ३३ हजार ५०० मतादाता रहेकोमा ८० हजार ९१७ मत खसेको थियो ।