माओवादीले प्रधानमन्त्रीलाई ज्ञापन पत्र बुझाउने, सिसिएमसी खारेज गर्न माग
काठमाडौं । नेकपा (माओवादी केन्द्र)ले कोरोना नियन्त्रणका लागि सरकारले गठन गरेको कोभिड–१९ संकट व्यवस्थापन केन्द्र (सिसिएमसी) खारेज गर्न माग गरेको छ ।
माओवादी पार्टी कार्यालय पेरिसडाँडामा बिहीबार बसेको माओवादी स्थायी कमिटी बैठकले सिसिएमसी संवैधानिक नभएकाले खारेजीको माग गर्ने निर्णय गरिएको माओवादी स्थायी कमिटी सदस्य वर्षमान पुन‘अनन्त’ले जानकारी दिए ।
विपत सम्बन्धि घटनाहरु हेर्नका लागि गृह मन्त्रालयमा कानुनी व्यवस्थासहितको निकाय रहेको र स्वास्थ्य जोखिम सम्बन्धि निकायलाई पनि काम गर्न नदिएको भन्दै कानुनी हैसियत नभएको सिसिएमसीलाई खारेज गरिनुपर्ने माओवादीको ठहर रहेको उनले बताए ।
पहिलो चरणको कोरोना महामारीपछि सरकारले आवश्यक तयारी गर्न नसकेको र प्रयाप्त समन्वय गर्न नसकेकाले अध्यक्ष प्रचण्डको नेतृत्वमा शुक्रबार प्रधानमन्त्रीलाई ज्ञापन पत्र बुझाइने पुनले बताए ।