राष्ट्रिय युवा संघको अध्यक्षमा थेबे विजयी
पोखरा, १३ जेठ । राष्ट्रिय युवा संघ नेपालको अध्यक्षमा क्षितिज थेबे निर्वाचित हुनुभएको छ ।
पोखरामा सम्पन्न युवा संघको १०औँ महाधिवेशनमा भएको निर्वाचनमा थेबेले आफ्ना प्रतिस्पर्धी सुमन पुरीलाई पराजित गर्दै अध्यक्षमा निर्वाचित हुनुभएको हो ।
थेबेले ७९६ मत प्राप्त गर्नुभएको छ भने उहाँका प्रतिस्पर्धी पुरीले ६०८ मत प्राप्त गर्नुभएको छ ।
सर्वसम्मत गर्ने प्रयास असफल भएपछि आजै बिहानदेखि मतदान सुरू भएको थियो । मतदानमा १४०४ मत खसेको थियो ।