सुत्केरी र शिशुको हेलिकोप्टरमार्फत् उद्वार

अछाम, ५ जेठ । जटिल स्वास्थ्य अवस्था भएकी एक सुत्केरी र एक शिशुको हेलिकोप्टरमार्फत् आज उद्धार गरिएको छ ।

यहाँको रामारोशन गाउँपालिका–१ निवासी २१ वर्षीया विपना साउद र उहाँको शिशुलाई जिल्ला अस्पतालबाट प्रादेशिक अस्पताल सुर्खेतमा रेफर गरिएको थियो ।

जिल्ला अस्पतालमा आजै सुत्केरी हुनुभएकी साउदको नवजात शिशुलाई स्वासप्रश्वासमा समस्या देखिएको र यहाँ उपचार सम्भव नभएपछि गोरख बक्स गणबाट सेनाको हेलिकोप्टरमार्फत् उद्धार गरी प्रादेशिक अस्पताल सुर्खेत लगिएको प्रमुख जिल्ला अधिकारी आनन्द सारुले जानकारी दिनुभयो ।