भूकम्पमा घाइते भएकामध्ये तीन जना डिस्चार्ज, अन्यको उपचार हुँदै
काठमाडौँ, २३ चैत । शुक्रबार राति जाजरकोटको कुसे गाउँपालिका–९, पैङ्कलाई केन्द्रबिन्दु बनाएर गएका दुईवटा भूकम्पमा परी रुकुम (पश्चिम)मा दुई जना र जाजरकोटमा ६ जना गरी कुल ८ जना व्यक्ति घाइते भएका छन् ।
घाइते भएकाहरुमध्ये जाजरकोटका तीन जना उपचार पश्चात् डिस्चार्ज भएका र जाजरकोटका तीन जना तथा रुकुम (पश्चिम)का दुई जना गरी पाँच जनाको हाल स्थानीय तथा जिल्ला अस्पतालमा उपचार चलिरहेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले शनिबार जनाएको छ ।
शुक्रबार जाजरकोटमा ३ मिनेटको अन्तरमा दुई भूकम्प गएका थिए । शुक्रबार राति ८ बजेर ७ मिनेट जाँदा ५.२ म्याग्निच्युड र ८ बजेर १० मिनेटमा ५.५ म्यानिच्यूडको भूकम्प गएको राष्ट्रिय भूकम्प मापन केन्द्रले जनाएको छ ।
