तीनकुने घटनामा न्यायिक छानबिन आयोग गठन गर्न रास्वपाको माग
काठमाडौँ, १६ चैत । राष्ट्रिय स्वतन्त्र पार्टी (रास्वपा)ले शुक्रबार तीनकुनेमा राजावादीहरूको प्रदर्शनका क्रममा भएको घटनामा उच्च न्यायिक छानबिन आयोग गठन गर्न सरकारसँग माग गरेको छ ।
शनिबार बसेको पार्टीको सचिवालय बैठकले काठमाडौँको तीनकुने, कोटेश्वर र जडीबुटी क्षेत्रमा शुक्रबार घटेको घटनामा संलग्न दोषीहरूलाई कानुनी दायरामा ल्याएर कारबाही गर्न उच्च न्यायिक छानबिन आयोग गठन गर्नुपर्ने माग गरेको छ ।
साथै, रास्वपाले आगामी चैत १८ गते केन्द्रीय कार्यालय वनस्थलीमा बस्ने गरी पार्टीको केन्द्रीय समिति बैठक समेत बोलाएको छ ।