जुम्ला बहुमुखी क्याम्पसको स्ववियु सभापतिमा अनेरास्ववियुका लोकेन्द्र बुढा विजयी
मुगु, ६ चैत । जुम्ला बहुमुखी क्याम्पसको स्ववियु सभापतिमा नेकपा (एमाले) निकट विद्यार्थी संगठन अनेरास्ववियुका लोकेन्द्र बुढा निर्वाचन बाट विजयी हुनुभएको छ ।
मंगलबार गते सम्पन्न निर्वाचनबाट ११४ मत प्राप्त गरी बुढा सभापतिमा निर्वाचित हुनुभएको हो ।
बुढाका निकटम प्रतिद्वन्द्वी अखिल (क्रान्तिकारी) का जयकृष्ण जैसीलाई नौ मतान्तरले पराजित गर्दै बुढा निर्वाचित हुनुभएको हो । निर्वाचित बुढाले ११४ मत प्राप्त गर्दा प्रतिस्प्रर्धी जैसीले एक सय नौ मत प्राप्त गर्नुभयो । जसमा नेविसंघका खेमराज आर्चायले ८८ मत प्राप्त गर्नुभयो ।
कुल मतदाता संख्या ३३४ रहेकोमा ३१८ मत खसेको थियो ।
त्यसैगरी सचिवमा नेविसंघका दत्तराज रावत विजयी हुनुभएको छ । उहाँले ९४ मत प्राप्त गर्नुभयो । सचिवका प्रतिस्प्रर्धी अनेरास्ववियूका नवराज भण्डारीले ८६ मत प्राप्त गर्नुभयो । कोषाध्यक्षमा अनेरास्ववियुकै बिन बहादुर रावत विजयी हुनुभयो । रावतले एक सय सात मत प्राप्त गरी निर्वाचित हुँदा नेविसंघका सरला उपाध्यायले ९८ मत प्राप्त गर्नुभयो ।
यस्तै सदस्यमा नेविसंका प्रविण बुढ्थापा (१४६), अनेरास्ववियुका सुर्जा रावल (११९), नेविसंका राष्टु थापा (१०३), अखिल (क्रान्तिकारी)का टोपबहादुर बोहोरा (१०३) र अनेरास्ववियुका हिमाली धिताल (९७) मत प्राप्त गरी विजयी भएको निर्वाचिन अधिकृत पदमबहादुर शाहीले बताउनुभयो ।