ट्रकको ठक्करबाट पैदल यात्रीको मृत्यु
जनकपुर, ४ माघ । जनकपुरमधाममा ट्रकले ठक्कर दिँदा एकजनाको मृत्यु भएको छ ।
शुक्रबार बिहान करिब साढे ९ बजे जनकपुरधामस्थित परिक्रमा रोडअन्तर्गत वडा नम्बर ७ मा निर्माण सामग्री लोड भएको ना ६ ख ४५३७ नम्बरको ट्रकले पैदल यात्री महोत्तरीको महोत्तरी गाउँपालिका वडा नम्बर ५ बस्ने अन्दाजी ५५ वर्षका सत्यनारायण साहलाई ठक्कर दिँदा घटनास्थलमै मृत्यु भएको धनुषा प्रहरीले जनाएको छ ।
ट्रक चालकलाई धनुषा प्रहरीले नियन्त्रणमा लिएको छ भने घटनासम्बन्धी अनुसन्धान भइरहेको प्रहरीले जनाइएको छ ।