सांसद ढकाल र श्रीलंकाका पूर्वराष्ट्रपति रनिल विक्रमासिङ्घेबीच भेटवार्ता
काठमाडौँ, १९ पुस । प्रतिनिधि सभाका सदस्य एवम् पूर्वमन्त्री एकनाथ ढकालले नेपाल भ्रमणमा रहनुभएका श्रीलंकाका पूर्वराष्ट्रपति रनिल विक्रमासिङ्घेसँग बिहीबार भेटवार्ता गर्नुभएको छ ।
काठमाडौँको एक होटेलमा भएको भेटमा दुई देशबीचको आपसी सम्बन्ध र परस्पर हितका विविध पक्षमा कुराकानी भएको थियो । सांसद ढकालले पूर्वराष्टपति रनिल विक्रमासिङ्घेले लुम्बिनी भ्रमण गर्नुभएकोमा धन्यवाद समेत दिनुभयो ।
भेटमा दूई देशको आपसी हितको बारेमा पनि छलफल भएको भेटका सहभागी नेपाल परिवार दलका महामन्त्री सन्तोष कुमार पौडेल जानकारी दिनुभयो । सांसद ढकाल प्रतिनिधि सभाको अन्तर्राष्ट्रिय सम्बन्ध तथा पर्यटन समिति सदस्य समेत हुनुहुन्छ ।