रौतहटमा आगलागी हुँदा २५ घर जलेर नष्ट
काठमाडौँ, १५ पुस । रौतहटको राजदेवी नगरपालिका वडा नम्बर ५ स्थित पासवान टोलमा आगलागी हुँदा २५ भन्दा बढी घर जलेर नष्ट भएको छ ।
स्थानीय बाबुलाल हजराको घरमा विद्युत सर्ट भएर आगो सल्किँद नजिकै रहेको दिपेन्द्र पासवान, प्रदीप पासवान, रामनाथ हजरासहितका घर पूर्ण रुपमा जलेको छ ।
आगलागी भएको खबर पाउन साथ प्रहरी चौकी ब्रह्मपुरी, सशस्त्र प्रहरीको बिओपी बेलविछवा र गौर नगरपालिकाको बारुण यन्त्र घटनास्थल पुगेको थियो । आगो मध्यराति लागेका कारण क्षति बढी भएको प्रहरीले अनुमान गरिएको छ । घरमा राति सुतेको बेलामा आगलागी भएकाले सर सामान निकाल्न नपाएको प्रहरीले बताएको छ ।
यद्यपि, मानवीय क्षति नभए पनि लता कपडा, अन्नलगायत जलेको प्रहरीले जानकारी दिएको छ ।