माओवादी केन्द्रको स्थायी समिति बैठक बस्दै
काठमाडौँ, २७ मंसिर । नेकपा (माओवादी केन्द्र)को स्थायी समिति बैठक आज बस्दै छ ।
बिहिबार माओवादी केन्द्रको केन्द्रीय समिति बैठकको एजेन्डा तय गर्न पार्टीको स्थायी समिति बैठक बस्न लागेको हो । बैठक दिउँसो ३ बजे पार्टी कार्यालय पेरिसडाँडामा बस्ने भएको छ ।
यस्तै, बैठकमा विधान संशोधन, नेताहरूको कार्यविभाजन, स्थानीय तहको निर्वाचनको समीक्षा र समसमायिक राजनीतिबारे छलफल पनि हुने छ ।