हात्तीको आक्रमणबाट एक जनाको मृत्यु

झापा, २ मंसिर । हात्तीको आक्रमणमा परी एक जनाको मृत्यु भएको छ ।

दमक नगरपालिका–३ दीपज्योति टोलका ४५ वर्षीय मीनबहादुर भण्डारीको हात्तीको आक्रमणबाट मृत्यु भएको हो ।

छिमेकी सुविन भट्टराईको घर हात्तीले भत्काउन थालेपछि त्यसलाई धपाउ खोज्दा भण्डारी आक्रमणमा परेको जिल्ला वन कार्यालयका प्रमुख मेघराज राईले जानकारी दिनुभयो । निजको घटनास्थलमा नै मृत्यु भएको हो ।