विश्वप्रकाश शर्मा भन्छन्- खेलकुदको जस्तो नियममा बसे राजनीति सुध्रिन्छ
काठमाडौँ, १ मंसिर । नेपाली कांग्रेसका महामन्त्री विश्वप्रकाश शर्माले खेल क्षेत्रबाट नेपाली राजनीतिले नियममा बसेर काम गर्ने कुरा सिक्नुपर्ने बताउनुभएको छ ।
शनिबार ‘प्रथम झापा १– काठमाडौँ कप फुट्सल प्रतियोगिताका अवसरमा पत्रकारहरुसँग कुरा गर्दै उहाँले राजनीतिले खेल क्षेत्रमा जसरी नै नियममा बाँधिनुपर्ने बताउनुभयो ।
उहाँले भन्नुभयो, ‘खेलले हामी सबैलाई जोड्ने काम गर्छ, त्यसकारण आज यो खेल भइरहेको छ । म जे मा पनि रमाउने मान्छे हो । जसरी हामी खेल खेल्दा नियममा बाँधिएर खेल्छौँ त्यसरी नै राजनीतिमा पनि नियममा बसेर काम गर्नुपर्छ । खेलबाट राजनीतिले केही सिक्नुपर्छ ।’