काठमाडौँका यी स्थानमा आज विद्युत् अवरूद्ध हुने
काठमाडौँ, ५ असोज । काठमाडौँको विभिन्न स्थानमा शनिबार तीन घन्टा विद्युत अवरूद्ध हुने भएको छ ।
नेपाल विद्युत् प्राधिकरणका अनुसार रत्नपार्क वितरण केन्द्रको सिंहदरबार फिडर, बूढानीलकण्ठ वितरण केन्द्रको शिवपुरी फिडर, गणेस्थान फिडर र तारेभिर फिडरबाट वितरित स्थानहरूमा तीन घन्टाका लागि विद्युत् अवरूद्ध हुने जनाएको छ ।
सिंहदरबार फिडरअन्तर्गत पर्ने सिंहदरबार परिसरभित्रका सम्पूर्ण मन्त्रालय, दक्षिण गेटबाहिर जिल्ला समन्वय समिति क्षेत्रमा मध्याह्न १२ बजेदेखि ३ बजेसम्म विद्युत् अवरूद्ध हुने जनाइएको छ ।
ती क्षेत्रमा कन्डक्टर अपग्रेडकोका काम गर्न फिडर सटडाउनमा राख्नुपर्ने भएकाले विद्युत् अवरूद्ध हुने प्राधिकरणले जनाएको छ ।
त्यस्तै, बुढानीलकण्ठ वितरण केन्द्रअन्तर्गत पर्ने डाँडा गाउँ, पासिकोट, भष्मस्थली, टोखा, पञ्चेटार, मेगासिटी, ढलमलटार, भंगाल, हात्तीगौडा, हेपाली, धापासी हाइट, कुवर कोलोनी, मनकामना टोल, ग्रीनल्याण्ड चोक, मुहानपोखरी, तारेभिर, ताउलुङ, नारायणथान, टुसाल, रूद्रेश्वर चोक, चपलीलगायतका क्षेत्रमा बिहान साढे १० बजेदेखि मध्याह्न १२ बजेसम्म विद्युत् अवरूद्ध हुने प्राधिकरणले जनाएको छ ।