तीन वटा भारतीय कारसहित चालकहरु प्रहरी नियन्त्रणमा

20

झापा, २३ भदौ । जिल्ला प्रहरी कार्यालय झापा र इलाका प्रहरी कार्यालय काँकडभिट्टाको टोलीले तीनवटा कारसहित तीनजना भारतीय नागरिक पक्राउ परेका छन् । भारतबाट अवैध रुपमा नेपालतर्फ सामान ल्याउँदैगर्दा उनीहरु पक्राउ परेका हुन् ।

भारतबाट नेपालतर्फ आउँदै गरेको डब्लुबी ४ एन ६८७८, डब्लुबी ७४ पि ७७९९ र डब्लुबी ७४ एन ८४६२ नम्बरको कारबाट भन्सार छली गरी नेपालतर्फ ल्याउँदै गरेको अन्दाजी ३ लाख ९९ हजार १०० मूल्य बराबरको कपडा बरामद गरेको जनाएको छ ।

बरामद कपडामा पुरुषको टाउजर ११० पिस, लेडिज टाउजर ४२ पिस, रुमाल १ हजार २५० पिस, लेडिज सर्ट २२ पिस, कुर्था ३२ पिस, भेष्ट ५३ पिस, लेडिज ब्रा ५२८ पिस, लेडिज भेष्ट १८ पिस, कुर्थी १० पिस र लेडिज सर्ट १७ पिस रहेका छन् । प्रहरीले बरामद गरेको कारको मूल्य अन्दाजी २४ लाख मूल्यांकन गरेको छ । कारसहित कपडाको मूल्य २९ लाख ५० हजार १०० रहेको जनाएको छ ।

पक्राउ पर्नेहरुमा भारतीय कार चालक भारतको पानीट्यांकी बस्ने राम दयाल बर्मन, सोही स्थानको अमित राय र राजकुमार घोष रहेको जिल्ला प्रहरी कार्यालय झापाका प्रवक्ता कृष्णकुमार चन्दले जानकारी दिनुभयो ।

पक्राउ परेको कारसहित भारतीय नागकिरलाई आवश्यक कारबाहीका लागि मेची भन्सार कार्यालय काँकडभिट्टा पठाइएको छ ।

Share This:
सम्बन्धित खबर
Loading...