रौतहटमा धारिलो हतियार प्रयोग गरी वृद्धको हत्या
रौतहट, ३० साउन । रौतहटमा धारिलो हतियार प्रयोग गरी एक वृद्धको हत्या भएको छ ।
गौर नगरपालिकाको वडा नम्बर ५ कोइरी टोलका ७४ वर्षीय अनिरुद्ध महतोको हत्या भएको अवस्थामा शव फेला परेको हो ।
जिल्ला प्रहरी कार्यालय रौतहटका उपरीक्षक दिलिप घिमिरेका अनुसार धान खेतमा महतोको शव बुधबार बिहान फेला परेको हो । उनको घरभन्दा २ सय मिटर पूर्व धान खेतमा फेला परेको रौतहट प्रहरी उपरीक्षक घिमिरेले बताउनुभयो ।
धारिलो हतियार प्रहार गरी महतो हत्या भएको हुन सक्ने प्रारम्भिक अनुसन्धान बाट खुलेको उहाँले जानकारी दिनुभयो । घटनाका बारे आवश्यक अनुसन्धान भइरहेको जिल्ला प्रहरी कार्यालय रौतहटले जनाएको छ ।
