नगर प्रहरी चुस्त र दुरुस्त हुनुपर्छ : मेयर महर्जन
काठमाडौँ, २४ साउन । ललितपुर महानगरपालिका मेयर चिरिबाबु महर्जनले नगर प्रहरी चुस्त र दुरुस्त हुनुपर्ने बताउनुभएको छ ।
बिहीबार ललितपुर महानगरपालिकाद्वारा प्रकाशित तस्बिरमा नगर प्रहरी नामक पुस्तक विमोचन कार्यक्रममा बोल्दै उहाँले नगर प्रहरी स्मार्ट हुनुपर्ने बताउनुभयो ।
उहाँले भन्नुभयो, ‘ललितपुर नगरपालिकामा एउटा नयाँ कन्सेप्ट हामीले लियौँ, त्यो भनेको चाहिँ नगर प्रहरी चुस्त र दुरुस्त हुनैपर्छ, नगर प्रहरीले स्मार्ट हुनुपर्छ, दिएको आदेश चाहिँ सफलपूर्ण पारेर आउनैपर्छ अनि मात्र काम हुन्छ । ’
साथै, उहाँले प्रहरीले सफल काम नगरे जनप्रतिनिधिको सुरक्षा महाभारत जस्तै हुने जिकिर गर्नुभयो । उहाँले नगर प्रहरीले राम्रो काम गरे मात्र जनप्रतिनिधिको पनि सम्मान हुने बताउनुभयो ।