राष्ट्रिय सभामा कांग्रेसको संसदीय दलको नेता सिटौला
काठमाडौँ, २६ फागुन । नेपाली कांग्रेसको राष्ट्रिय सभा संसदीय दलको नेतामा कृष्णप्रसाद सिटौला चयन हुनुभएको छ ।
कांग्रेस सभापति एवं संसदीय दलका नेता शेरबहादुर देउवाले सिटौलालाई राष्ट्रिय सभा संसदीय दलको नेतामा मनोनयन गर्नुभएको हो ।
कांग्रेस संसदीय दलको विधान (संशोधन तथा परिमार्जन सहित, २०७४० को धारा १२ को उपधारा ९१) बमोजिम सिटौलालाई राष्ट्रिय सभा संसदीय दलको नेता मनोनयन गरिएको देउवाका निजी सचिव केशवराज जोशीले जानकारी दिनुभयो ।