मेची नदीमा हाम फालेकी महिलाको सकुशल उद्धार
झापा, २२ भदौ । झापा जिल्लाको मेचीनगर नगरपालिका १ तिरिङ्ग दोभानस्थित मेची नदीमा हाम फालेकी एक महिलाको सशस्त्र प्रहरीले सकुशल उद्धार गरेको छ ।
इलाम जिल्लाको रोङ गाउँपालिका–६ बस्ने ४० वर्षीया सोमा तामाङ सो नदीमा हाम फालेको भन्ने जानकारी पाएलगत्तै सशस्त्र प्रहरी बल नेपाल बिओपी तिरिङ्गबाट खटिएको टोलीले उनको सकुशल उद्धार गरेको हो ।
उद्धारपछि उनलाई आफन्तको जिम्मा लगाइएको छ ।