ड्रुक एयरले पोखरा अन्तर्राष्ट्रिय विमानस्थलमा सिधा उडान गर्ने
काठमाडौँ, ११ भदौ । भुटानको ड्रुक एयरले पोखरा अन्तर्राष्ट्रिय विमानस्थलमा सिधा उडान गर्ने भएको छ ।
नागरिक उड्डयन प्राधिकरणका प्रवक्ता जगन्नाथ निरौलाका अनुसार भुटानको पारा अन्तर्राष्ट्रिय विमानस्थलबाट यही भदौ २३ गते (सेप्टेम्बर ९) सिधा पोखरा अन्तर्राष्ट्रिय विमानस्थलमा ड्रुक एयरले उडान गर्ने भएको हो । यो उडान चार्टर उडान हुने उनले बताए ।
उनले भने, “भुटानको ड्रुक एयरले पोखरा अन्तर्राष्ट्रिय विमानस्थलका लागि सेप्टेम्बर २३ मा सिधैँ उडान गर्ने छ । यो उडान चार्टर्ड उडान हुने छ ।”
ड्रुक एयरको विमान पोखराबाट सिधा पारोका लागि नै उड्ने छ । पोखरामा ड्रुक एयरको विमान आउनु सुखद् रहेको निरौलाले बताए ।
उनले भने, “पोखरामा ड्रुक एयरको विमान आउनु सुखद कुरा हो । विस्तारै अन्तर्राष्ट्रिय विमानहरू थपिँदै जाने छन् ।”