एकदिवसीय विश्वकप छनोटका लागि प्रारम्भिक नेपाली टोलीको घोषणा
काठमाडौँ, ८ जेठ । नेपाल क्रिकेट संघ (क्यान)ले जिम्बावेमा आयोजना हुने आइसिसी एकदिवसीय विश्वकप छनोटका लागि प्रारम्भिक नेपाली राष्ट्रिय क्रिकेट टोलीको घोषणा गरेको छ ।
क्यानले आज २२ सदस्यीय प्रारम्भिक टोलीको घोषणा गरेको हो । छनोट हुने खेलाडीमा कप्तान रोहितकुमार पौडेलसहित कुशल भुर्तेल, आशिफ शेख, ज्ञानेन्द्र मल्ल, आरिफ शेख, दीपेन्द्रसिंह ऐरी, गुल्सन झा, सोमपाल कामी र करण केसी छन् ।
त्यसैगरी सन्दीप लामिछाने, भीम सार्की, प्रतिश जिसी, ललित राजवंशी, अर्जुन साउद, सन्दीप जोरा, देव खनाल, किशोर महतो, सूर्य तामाङ, कमल सिंह ऐरी, श्याम ढकाल र कुशल मल्ल रहेका छन् ।
जिम्बावेमा आगामी जुन–जुलाइमा आयोजना हुने विश्वकप छनोटमा चार टेष्ट राष्ट्रसहित १० टोलीको सहभागिता रहने छ ।