अस्मिता अधिकारीको ‘मुखै चिलाउनी’मा पुष्प र गीता [भिडिओ]
काठमाडौँ, १९ फागुन । गायक रमण रेग्मी र गायिका अस्मिता अधिकारीको स्वर रहेको ‘मुखै चिलाउनी’ बोलको गीतको भिडिओ सार्वजनिक भएको छ ।
दीपक शर्माको शब्द तथा संगीत रहेको सार्वजनिक गीतमा नरेन्द्र वियोगीको एरेन्ज रहेको छ । केशवराज भट्टको कोरियोग्राफी तथा निर्देशनमा तयार मुखै चिलाउनी एक प्रेमिल जोडीको रोमान्टिक प्रेम कहानी हो हो ।
प्रेममा डुबेर खुसी खुसीशी जिन्दगी बिताउन चाहने प्रेमिल जोडीको छमछम नचाउने गीतको कोरियोग्राफी पनि निर्देशक भट्टले नै गरेका हुन् । जसमा नायक तथा मोडल पुष्प खड्का र टिकटकबाट चर्चा कमाएकी सुन्दरी मोडल गीत ढुंगानाको प्रेम रोमान्स देख्न सकिन्छ ।
काठमाडौँको कोटेश्वरका रमणले यसअघि घर त लगनखेल रिमेक, खुला जमिन, मेसो पाछैन, हामी जनतालाई धेरै गाह्रो छ, नेपालै जाउँ जाउँ लाग्छलगायतका गीतका भिडिओहरु बजारमा ल्याइसकेका छन् । सार्वजनिक भिडियोको निर्माण सविना कुँवर रेग्मीले गरेकी हुन् ।