काठमाडौँ, २६ माघ । कोरोना महामारीसँगै बन्द रहेको किमाथांका नाका आन्तरिक प्रयोजनका लागि खुलाई दिन सहजीकरणको माग गर्दै सीमावासीहरूले सरकारसँग माग गरेका छन् ।
सङ्खुवासभाको भोटखोला र चीनको सीमासँग जोडिएको उक्त नाका बन्द हुँदा सीमावासीले सास्ती खेप्नु परेको भन्दै नाका खुला गर्न परराष्ट्रमन्त्री डा.विमला राई पौड्यालसँग माग गरेका हुन् ।
भोटखोला गाउँपालिकाका अध्यक्ष वाङ छेदर भोटेसहितको टोलीले बुधबार मन्त्री डा.पौड्याललाई ज्ञापनपत्र बुझाएका छन् ।