सुर्खेतमा गाडी दुर्घटना हुँदा १३ जना घाइते
कालीकोट, १७ माघ । सुर्खेतबाट कालीकोटतर्फ आउँदै गरेको फोर्स गाडी दैलेखको रामघाटमा दुर्घटना हुँदा १३ जना घाइते भएका छन् ।
कर्णाली प्रदेश ०२००१ ख ०१६६ नम्बरको फोर्स गाडी कर्णाली राजमार्गको दैलेखस्थित रामाघाटमा दुर्घटनामा परेको प्रहरीले जनाएको छ ।
दुर्घटनामा पाँच जना गम्भीर घाइते भएका छन् । अन्य ८ जना समान्य घाइते भएको प्रहरीले जनाएको छ ।
११ जना यात्रु र दुई जना चालक गरी १३ जना रहेकोमा सबै जना घाइते भएको प्रहरीको भनाइ छ । घाइतेहरूको पहिचान हुन बाँकी छ ।