झुठा विवरण पेस गरी नागरिकता लिएको अभियोगमा महिला पक्राउ
काठमाडौँ, १३ माघ । झुठा विवरण देखाइ नागरिकता लिएको कसुरमा काठमाडौँबाट एक महिला पक्राउ परेकी छन् ।
बुढानिलकण्ठ नगरपालिका–१२ चुनिखेल बस्ने चितवन खैरहनी नगरपालिका–८ घर भएकी ३२ वर्षीया युवन्तीका तामाङलाई बिहीबार प्रहरीले पक्राउ गरेको हो ।
झुठा विवरण पेस गरी वंशजको आधारमा नेपाली नागरिकता प्रमाणपत्र लिएको भन्ने मुद्दाको अनुसन्धानको सिलसिलामा तामाङलाई केन्द्रीय अनुसन्धान ब्युरो महाराजगञ्जबाट खटिएको प्रहरीले बुढानिलकण्ठ नगरपालिका–१२ चुनिखेलबाट पक्राउ गरेको हो ।
उनलाई आवश्यक कारबाहीका लागि जिल्ला प्रहरी कार्यालय चितवन पठाइएको छ ।